9.9.2018 | 18:14
Dagur 11
Við skiluðum hjólunum á leiguna í morgun og vorum þá búnir að aka samtals 2.534 km í ferðinni.
Þetta er búin að vera mjög góð ferð og vandræðalítil.
Fengum alltaf gistingu fyrir allan 9 manna hópinn á sama hóteli, en það var nokkuð sem við höfðum áhyggjur af fyrirfram.
Bókuðum gjarnan gistinguna samdægurs og höfðum úr nægu gistirými að velja á hverjum degi.
Við þrír sem eftir stóðum síðustu dagana, fórum svo til Munchen og beint í mótorhjólabúðaleiðangur og á Block House í alvöru steik.
Ég vil þakka þeim sem kunna að hafa lesið þessar bloggfærslur mínar og vona að einhver hafi haft gaman að þessu með okkur.
Á morgun, sunnudag höldum við svo heim á leið eftir 12 daga ferðalag um Þýskaland, Frakkland, Sviss, Ítalíu og Austurríki.
Vörðum mestum tíma í Ölpunum, aðallega Ítalíumegin, n.t.t. í Suður-Týról en þar er paradís bifhjólamanna og margar af þeim leiðum sem Páll leiðangursstjóri valdi, eru á lista yfir bestu mótorhjólavegi í veröldinni.
Ég mun svo bæta inn fleiri myndum á allra næstu dögum.
Góðar stundir!
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.