Dagur 10

Lögðum af stað frá hótelinu í Dusseldorf kl. 9 og beint út á hraðbraut alla leiðina til Rotterdam.

Ókum 243 km í beit, aðeins stoppað einu sinni til að taka bensín.

Fórum svo með lest til Amsterdam og bíðum þess að komast heim á morgun.

Þetta er búið að vera mjög skemmtilegt en líka erfitt á köflum.  Búnir að aka um 3.350 km sjá margt magnað á þeirri leið.  Ýmislegt búið að ganga á eins og sprungið dekk og rigning en annars hefur allt gengið vel.

Það getur oft tekið smá stund að komast að niðurstöðu þegar þrír aðilar sem vanir eru að stjórna, þurfa að finna málamiðlun, hvert á að aka, hversu hratt, hversu lengi, hvar á að borða og hver á að sofa hvar en einhvernveginn náðum við að leysa þetta hverju sinni.

Ég vil þakka öllum sem fylgdust með okkur í þessu ævintýri og hvet ykkur til að kíkja inn á síðuna síðar, ég á eftir að setja inn fleiri myndir og myndbönd þegar heim verður komið í betra netsamband.

Jafnframt mun ég væntanlega halda áfram að blogga hér og menn og málefni sem mér eru hugleikin hverju sinni, það styttist jú í kosningar...

Kær kveðja, Svanþór