Dagur 1

Jæja, þá er ferðin hafin.

Vorum komninrí KEF um kl.05 en þá höfðum við sofið í ca. 3-4 klst (sem er jú oftast vaninn fyrir þessi skemmtilegu morgunflug).

Við .entum í Frankfurt um hádegi, fórum beint á leiguna og hjólin biðu eftir okkur þar.

Strákarnir fengu BMW R1200GS hjól en sjálfur ákvað ég að taka BMW K1300S....allt eru þetta mikilvæg tæki!

Við lögðum af stað frá Frankfurt og til Meinz þar sem við litum inn í mótorhjólabúðina Louis.

Svo snæddum við Wiener-Schnitsel í Gustavsburg og ókum því næst áleiðis til Trier þar sem við áttum pantaða gistingu á Hótel Zur Shönen Aussicht (Hótel Hið Fallega Útsýni) sem stendur við Markusberg 32. Hótelið stendur í 170m hæð yfir borginni og í fyrramálið komum við til með að sjá af hverju hótelið dregur nafn sitt. Við komum á áningarstað um kl. 22, í svarta myrkri.

Í dag ókum við um það bil 220km, að mestu í 25-28 °C og þurru. Það máttti vinda fatnaðinn okkar í lok dags, svo mikil var hitinn.

Ég mun svo reyna að setja inn myndir á morgun.